SKIPULEGGJANDINN

Virpi Jokinen er Á réttri hillu. Hún er fyrsti vottaði skipuleggjandinn (e. Professional Organizer) hér á landi, svo vitað sé. Hún er finnsk, tveggja barna móðir, hefur búið á Íslandi í rúman aldarfjórðung og talar íslensku reiprennandi. Hún er menntuð í myndlist og leiðsögn, lauk skipuleggjandanámskeiði í Helsinki haustið 2018 og er með diplómu á meistarastigi í jákvæðri sálfræði frá Endurmenntun Háskóla Íslands. Virpi hefur 15 ára reynslu af verkefnastjórnun, þar af ellefu ár í starfi skipulagsstjóra Íslensku óperunnar, þar sem hún vann m.a. við framleiðslu á óperusýningum.

Um Virpi hefur verið sagt að hún búi yfir miklum skipulagshæfileikum, yfirvegun, hugarró, lausnamiðaðri hugsun og framkvæmdagleði. Hún er virkur hlustandi, skarpur greinandi og hefur jákvætt, drífandi og hvetjandi viðmót. Allir þessir kostir koma að góðum notum þegar kemur að skipulagsaðstoð.

Hægt er að fá Virpi til að koma og halda námskeið eða flytja erindi bæði á staðnum og á netinu um allt það sem snýr að almennu skipulagi á heimilum og vinnustöðum og á erindi við marga mismunandi hópa. Virpi aðstoðar einnig foreldrafélög og skóla við að „taka Ó-ið úr  óskilamunum“.

„Ég nýti skipulagshæfileikana til að aðstoða aðra við að ná stjórn á alls kyns hlutum og pappírum – og um leið tímanum! Ekkert verkefni er of stórt og ekkert verkefni er of ómerkilegt, alls staðar má finna góða lausn og gott skipulag. Þarftu að koma röð og reglu á geymsluna, háaloftið, fataskápinn, sumarbústaðinn, skrifstofuna eða verkstæðið – nú eða óskilamunina í skólanum? Ég aðstoða við að búa til ferla, pláss og tíma, koma auga á gersemarnar og grisja úr það sem hefur lokið hlutverki sínu.

Ég stend með þér, aðstoða þig við að móta markmiðin og fylgja þeim eftir! Hvað get ég gert fyrir þig, vinnustaðinn þinn eða skólann?“