Á réttri hillu Skipulagsaðstoð fyrir einstaklinga og minni fyrirtæki

Skipulagsaðstoð

fyrir einstaklinga og minni fyrirtæki

Komum röð og reglu á skápa og geymslur – og um leið líðan og hugsanir.

Aukum verðmæti þess sem við eigum nú þegar.

Finnum skipulagið sem hentar þér eða fyrirtækinu þínu.

Komum auga á aðalatriðin og mótum markmiðin saman.

Búum til pláss og tíma.

Komum ró á umhverfið og stefnum að jafnvægi í lífinu.

Virpi Jokinen Á réttri hillu aðstoðar einstaklinga og minni fyritæki við að ná stjórn á alls kyns hlutum, pappírum – og um leið tímanum. Virpi er fyrsti vottaði skipuleggjandinn (e. Professional Organizer) hér á landi svo vitað sé.

Náum yfirsýn, forgangsröðum, búum til reglur – og förum svo eftir þeim. Geymum minningar – ekki hluti!

HVERNIG VIRKAR SKIPULAGSAÐSTOÐIN?

Fyrsta viðtal (1 klst.)

Rýmið skoðað saman og staðan greind

Raunhæf markmið sett í samráði við viðskiptavininn

Verkefnið afmarkað og skipulagt

Sameiginlegar vinnustundir bókaðar til að vinna saman að verkefninu

Sameiginleg 1–3 klst. vinnustund

Mikilvægir hlutir flokkaðir frá óþarfa á skipulagðan máta frá upphafi til enda

Tökum sleppt á því sem hefur lokið hlutverki sínu

Mikilvægustu munum og skjölum raðað upp á nýtt út frá stærð rýmisins sem er til umráða

Staðan metin og framhald ákveðið eftir hverja vinnustund

Farið í endurvinnslu við fyrsta tækifæri með það sem var flokkað frá því mikilvægasta

Á milli vinnustunda

Í sumum tilfellum duga þessi fyrstu skref; þ.e. fyrsta viðtal og ein sameiginleg 1–3 klst. vinnustund.

Þegar verkefnið er umfangsmeira er haldið áfram þar til því er lokið en stærstu verkefnin geta spannað mánuði.

Engin krafa er gerð um að viðskiptavinurinn vinni að verkefninu á milli vinnustunda en þetta fer algjörlega eftir stöðu verkefnisins og viðskiptavinar í hverju tilfelli.

Stundum vilja viðskiptavinir velja sér verkefni á milli vinnustunda, eins og t.d. að taka niður óhentugar hillur, gefa húsgögn og muni, útvega nýja snaga eða geymslukassa.

Verklok

Skipulagsaðstoðinni er lokið þegar viðskiptavinurinn er ánægður eða velur að halda áfram einn síns liðs.

Þegar skipulagsleysi veldur vanda

Við erum sífellt að takast á við breyttar aðstæður; börn fæðast, unglingar flytja að heiman, hjón skilja, efnahagsaðstæður breytast, nákomnir deyja, við skiptum um vinnu eða flytjum oft. Allar þessar breytingar hafa í för með sér gamla og nýja hluti, oft ofgnótt af hlutum – og stundum er ekki auðvelt að eiga við þetta allt, að minnsta kosti ekki ein og óstudd.

Skipulagsleysi getur endurspeglast í líðan; þegar maður hugsar um tiltekt en veit ekki hvar á að byrja og manni fallast hreinlega hendur. Öll getum við lent í því að vera einn daginn stödd þar í lífinu að verkefnin virðast óyfirstíganleg og maður veit ekki hvar á að byrja.

Reglu komið á með skipulagsaðstoð

Með skipulagsaðstoð er auðveldara að losa sig við allan óþarfa og skapa í framhaldinu nýjar venjur. Tilgangur þjónustunnar er að skapa pláss og tíma.

Saman förum við í gegnum hluti sem ekki er lengur þörf á og röðum mikilvægari munum og pappírum til þess að aðlaga fjölda muna að stærð rýmisins sem er til umráða hverju sinni. Markmiðið er betri yfirsýn og einfaldara líf.

Tiltekt með utanaðkomandi aðstoð er árangursrík. Með skipulagsaðstoð er auðveldara að láta óþarfa hluti fara og skapa um leið skipulag sem auðvelt er að viðhalda. Allt er unnið í góðu samstarfi við viðskiptavininn og byggir á gagnkvæmu trausti, þörfum og markmiðum hans.

Í hnotskurn

Virpi Á réttri hillu:

Hlustar og aðstoðar við að skilgreina markmið viðskiptavina

Aðstoðar við að flokka óþarfa hluti frá mikilvægum á skipulagðan máta frá upphafi til enda

Aðstoðar við að búa til skipulag sem auðvelt er að fylgja

Styður ferlið þar sem breytingar eiga sér stað

Aðstoðar viðskiptavininn við að sleppa tökunum á því sem hefur lokið hlutverki sínu

Viltu panta viðtal? Sendu Virpi línu!

Umsagnir viðskiptavina

Mæli 100% með þjónustu Virpiar, sem aðstoðaði okkur við að koma reglu á geymslu og fataskápa. Allt gert með alúð og ákveðni. Frábær þjónusta!“
- N.D.H.
Þetta var frábær hjálp og ég mæli eindregið með Virpi. Nýti mér þessa þjónustu örugglega aftur. Tiltektin verður yfirstíganleg og jafnvel skemmtileg.
- L.M.
Sæl, langar svo mikið til að þakka þér aftur fyrir samvinnuna um daginn. Ég veit ekki í hvaða ástandi ég væri eiginlega hefðum við ekki verið búnar að gera það sem við gerðum. Nú bíð ég bara spennt eftir að þetta gangi yfir svo ég geti fengið þig aftur til mín!
- Nýflutt kona
Frábært fyrirtæki. Ég fékk Virpi til að aðstoða mig við tiltekt í kjallara og geymslum. Á Sorpu fóru fimm fullir bílar. Hefði ég ekki fengið Virpi væri allt ennþá á hvolfi. Virpi er einstök með ákaflega góða nærveru, einbeitt og skipulögð og tiltektin tekur mun styttri tíma en maður ímyndar sér. Mæli 110% með.
- T.G.
Nú er liðið ár síðan Virpi kom og hjálpaði mér að pakka upp úr síðustu kössunum og raða í síðustu hillurnar eftir flutninga. Hún á allan heiðurinn af skipulaginu í búrinu mínu – lítilli geymslu í íbúðinni minni þar sem hver flötur og fermetri er fullnýttur á sem hagstæðastan hátt. Þetta herbergi hefði svo auðveldlega getað orðið kompa full af drasli þar sem ómögulegt væri að ganga um og finna nokkuð, en þess í stað er röð og regla sem hefur haldist svo gott sem óbreytt síðan Virpi tók niður svuntuna þar inni fyrir ári síðan. Að fá Virpi til að koma upp skipulagi er eitthvað sem ég mæli heilshugar með!
- Þriggja barna móðir
Ég leitaði aðstoðar Virpi af því að ég var með of mikið af hlutum og of lítið skipulag og mér fannst mig vanta aðstoð við að ná tökum á því. Verkefnið óx mér í augum. Það kom mér síðan mjög á óvart að tiltektin á heimilinu varð svo mikil tiltekt í huganum og lífinu í leiðinni. Það varð ALLT svo miklu skýrara og einfaldara, ekki bara innan heimilisins heldur líka tilveran.
- Viðskiptavinur
Þjónusta Virpi er verulega dýrmæt. Þetta snýst ekki um nýja röðun hluta, þetta snýst um nýjar venjur sem virka. Virpi hefur hæfileikann til að greina hvaða regla eða kerfi hentar best hverju sinni. Erfiðast var að komast af stað. Auðveldast var allt hitt.
- Ánægður viðskiptavinur
Við fjölskyldan eigum Virpi mikið að þakka en við nutum aðstoðar hennar við að koma skipulagi á heimilið að loknum flutningum og þar með einnig jafnvægi á hversdagslífið. Virpi hefur færni í að lesa úr aðstæðum, þörfum og óskum hvaða lausn hentar hverjum og einum. Það er ómetanlegt að geta fengið svona stuðning þegar á þarf að halda.
- Þriggja manna fjölskylda